Forseti flytur ávarp við upphaf alþjóðlegu tónlistarhátíðarinnar Iceland Airwaves. Að venju fór opnunarhátíðin fram á dvalar- og hjúkrunarheimilinu Grund í Reykjavík. Þar voru saman komin íbúar og starfsfólk Grundar, leikskólabörn úr nágrenninu og alþjóðlegir gestir tónlistarhátíðarinnar. Auk opnunarávarps forseta bauð Ísleifur Þórhallsson, hátíðarstjóri Iceland Airwaves, gesti velkomna. Að því loknu hófust tónleikar á Grund þar sem fram komu tónlistarfólkið Una Torfadóttir og Mugison.