Forseti tekur á móti nýjum sendiherra Kólumbíu, Guillermo Francisco Reyes González, sem afhendir trúnaðarbréf sitt á Bessastöðum. Rætt var um samskipti ríkjanna á alþjóðavettvangi, sameiginlega hagsmuni og framtíðarhorfur í Kólumbíu. Þá var rætt um reynslu beggja ríkja af eldgosum og því tjóni sem þau geta valdið. Nefndi sendiherra að stjórnvöld ytra horfðu með velþóknun til aðgerða hér.